Xaricdə yaşayan azərbaycanlılar Qarabağ savaşından danışdı

13.10.2020 17:42

3 ilə yaxındır Almaniyaya köçən jurnalist Tünzalə Rafiqqızı Qarabağdakı hadisələrdən çox təsirlənib. Onun aiiləsi birinci Qarabağ müharibəsində şəhid verib. Tünzalə Rafiiqqızı deyir ki, Vətəndən uzaqda olsa da Qarabağa gəlməyə və döyüşə qatılmağa hazırdır.

" Biz Almaniyada mütəmadi olaraq dünyaya səsimizi çatdırmaq üçün aksiya keçiririk. Ermənilərə etirazımızı müxtəlif dillərdə dünyanın müxtəlif mediasına çatdırmağa çalışırıq. Mən də zamanında birinci Qarabağ döyüşlərində şəhid vermiş ailələrdənəm. Uşaqlığı və gəncliyi Qarabağda məhv olmuş bir adamam. Ən böyük arzum müharibədə iştirak edib torpaqlarımızın azad olunması istəyidir. Azərbaycanın nizami ordusuna inanıram. Almaniyada yaşayan yüzlərlə vətəndaşımız Qarabağda döyüşmək üçün hazır olduğunu bildirir”.

Tünzalə Rafiqqızı kimi düşünən və dünyanın bir çox ölkələrində yaşayan tanınmış jurnalist və sadə vətəndaşlarımız anews.az-a Qarabağdakı müharibədən danışıb.

Uzun illərdir İstanbulda yaşayan jurnalist Pərviz Sultansoy bildirdi ki, Qarabağda döyüşmək üçün onun dostu Amerikadan könüllü olaraq orduya yazılmaq üçün Bakıya gəlib.

"Hesab edirəm ki, indiki durumda ön cəbhər kəs öz cəbhəsində üzərində düşən işi görür. Əgər məsələ Qarabağda döyüşməkdirsə əmin olun ki, Türkiyədə 100 minə yaxın azərbaycanlı ali baş komandanın bir əmrini gözləyir. Hazırki, durum üçün biz arxa cəbhədə vuruşuruq. Deyərdim ki, türk mediasında yayımlanan xəbərləri operativliyinə də birbaşa vasitəçilik edirik. Bir sözlə ürəyimiz canımız Azərbaycanda döyünür”.

Polşada oxuyan tələbə Aynur Sultanovanın sözlərinə görə Polşadakı insanlar arasında da artış vuruşmaq üçün könüllü müraciət edənlər var.

"Mənim ətrafımda tanıdığım bir çox insanlar döyüşmək üçün burdakı konsulluğa müraciət edib. Burada yaşayan insanların 30-40 faizi rahat həyatını, işini-gücünü atıb Azərbaycana qayıtmaq istəyir. Doğrudur bəzi insanlar var idi ki, heçnə olmamış kimi həyatlarına davam edirdilər. Amma TƏrtərdə, GƏncədə baş verən günahsız insanlara qarşı olan terror faktlarından sonra həmin insanlarda döyüşmək ruhu yarandı. Biz burada sülh istəyən insanları qınayırıq. Çünki ermənilərin dinc əhalimizə etdiyi vəhşiliyin cavabında torpaqlarımızı sülh yolu ilə ala bilmərik deyə düşünürəm”.

Türkiyədə yaşayan məktəb direktoru Məhsəti Şərifin fikrincə Türkiyədə yaşayan yetərincə azərbaycanlı oğlanlar Qarabağda döyüşmək üçün konsulluğa müraciət ediblər. Təkcə keçən həftə konsulluqdan 200 nəfər Azərbaycana göndərilib. Bundan əlavə burda yaşayan azərbaycanlılar orduya dəstək üçün yardımlar göndərir.

İzmirdə yaşayan azərbaycanlı tələbə Emin Cavadovun sözlərinə görə İzmir sanki Azərbaycan şəhəri olub.

"Türk və azərbaycanlılar bir–birinə qarışıb.Burda çoxu tələbələr olduğu üçün vətənə gedə bilmir. Amma öz daxilimizdə ordumuz üçün yardımlar toplanır. Əgər lazım gələrsə bir çağırışla vuruşmağa gedərik. Könüllü getməyə gəldikdə, biz tələbəyik və hazırda biletin qiyməti 221 dollar, bundan əlavə koronavirus üçün testin qiyməti 250 tl-dir. Bir tələbə üçün də bu yetərincə yüksək məbləğdir”.

İspaniyada yaşayan Səfa Rəşid isə yazır ki, İspaniyada yaşayan azərbaycanlılar orduya dəstək üçün yardımlar yığır.

"Burda bizim millət azdır. Əksəriyyti döyüşmək üçün gəlmək haqda düşünmür amma olduğları yerdə üzərinə düşən dəstəyi göstərməyə hazır olduğunu deyir”.

Amerikada yaşayan Ramal adlı həmyerlimiz isə düşünür ki, onların yaşadığı ştatda olan azərbaycanlılar döyüşmək üçün gəlməyi düşünmür, amma buna baxmayaraq üzərinə düşən ictimai fəallığı yerinə yetirir.

"Bizim ştatda yaşayan azərbaycanlıların sayı azdır və onlar gəlmək haqqında düşünmür. Lakin ictimai fəallıq baxımından qonşu ştatlarda olan mitinqlərə qoşuluruq və Azərbaycanla bağlı həqiqəqtləri çatdırmağa çalışırıq”.

İstanbulda yaşayan Fidan Guliyeva bilidrir ki, Türkiyədə azərbaycanlılara artıq bir başqa sevgi yaranıb.

"Burada hər hər kəs Azərbaycan deyir. Gənclərimiz çox möhtəşəmdir. Hər kəs sülh yox müharibə ilə torpaqlarımızın alınmasını istəyir. Ətrafımda tanıdığım bir çox insanlar döyüşmək üçün Bakıya qayıradaq orduya yazılıb. Ürəyimiz Azərbaycandadır. Yaşadığım 15 ildə ilk dəfədir Türkiyədən Azərbaycana bu qədər dəstək görürəm. Hər yerdə danışılacaq bir mövzu var: Qarabağ!. Türkiyənin hər yerində Azərbaycan və Türkiyə bayrağı yanaşı dalğalanır. Özümüz Azərbaycanda hiss edirik. Artıq Türklər azərbaycanlılara cəsur və mərd kimi baxır”.

Hollandiyada yaşayan jurnalist Fikrət Hüseynli Azərbaycanda gedən müharibə üçün narahatlığını bildirdi.

"Biz burada ermənilər ilə yanaşı yaşayırıq. Hər dəfə erməni ilə qarşılaşanda yadımıza torpaqlarımız düşür. Bu səbəbdən də bizlər işğalın sonlandırılmasını istəyirik. Avropa və digər yerlərdə yaşayan azərbaycanlıların çoxu Azərbaycana getmək istəyir. Lakin hazırda səfirliklər o halda viza verirlər ki, kiminsə 1-ci dərəcəli qohumu ya ağır xəstə, ya da vəfat etmiş olsun. Təbii ki, viza verilməsinin məhdudlaşdırılması təhlükəsizliklə bağlıdır. Vətənə kömək üçün getməyə hazır insanlar çoxdu. Çünki ölkədə nizami ordu var və o tam heyətilə Ermənistana qalib gəlməyə, torpaqları işğaldan azad etməyə qadirdi”.