Mənzil almaq üçün pul verən sakinlər evsiz qalıb - VİDEO

Kooperativ binada mənzil almaq üçün pul verən sakinlər evsiz qalıblar.Şikayətçilər bildirdilər ki, “Ocaq” kooperativinin sədri Bəxtiyar Hüseynov tikiləcək binanın özülünü söküb dağıdıb və binanın yerini də satıb. Uzun illərdir ki, yataqxanada dözülməz şəraitdə yaşadıqlarını deyən sakinlər ev tikilmədiyi təqdirdə heç olmasa, onlara torpaq verilməsini tələb edirlər.Şikayətçi Şair Mirzəbəyovun sözlərinə görə, Bəxtiyar Hüseynov kubiklərimizi, bloklarımızı satıb, özü də deyir ki, get hara istəyirsən, şikayət elə, mən heç kimdən qorxmuram.Tikilməli olan binanın yerinin bir hissəsinin zibillik olduğunu şahidi olduq. Keçmiş “Ocaq” kooperativinin sədri, indi isə Xudat mənzil-istismar sahəsinin rəisi olan Bəxtiyar Hüseynov da məsələyə münasibət bildirdi. Amma şikayətçilər onu ittiham etdiyindən onlarla bir xeyli mübahisə etdi.Xaçmaz rayon icra başçının Xudat üzrə icra nümayəndəsi Akif Mərdanovun sözləri də sakinlərin ürəyincə olmadı. İcra nümayəndəsi deyəndə ki, bu ərazidə məktəb tikiləcək, şikayətçilər narazılıq etdilər.Akif Mərdanov məsələyə münasibət bildirdi: "SSRİ dönəmində bunlar ev tiksinlər deyə yer alıblar və kooperativin üzvü olublar, amma ev tikməyib. Eyni zamanda bu sahə onların yeri deyil. Ora başqa sahədir, bura zibilxana idi, buraları mən təmizlətdirmişəm".Şikayətçilər məsələnin həllilə bağlı Xaçmaz Rayon Məhkəməsinə müraciət ediblər. Hazırda bütün sənədlər məhkəmədə araşdırılır. Son sözü də yəqin ki, məhkəmə deyəcək.//Anspress