Səlim Müslümov veteranların “qan pulu”nu bərpa etdirir
19.06.2014 12:25
““Veteran pulu” ilə əlaqədar məsələ nazirə təqdim olunub və onun göstərişinə əsasən ƏƏSMN tərəfindən təkliflər paketi hazırlanaraq Milli Məclisə təqdim edilib”.
Qarabag.info xəbər verir ki, bu açıqlama ilə hərbi ekspert Üzeyir Cəfərov öz Feysbuk səhifəsində çıxış edib.
O bununla əlaqədar məlumatı ona Səlim Müslümovun müavini İqbal Hacıyevin verdiyini bildirib.
“Bildiyiniz kimi, ötən həftə biz bir qrup Qarabağ savaşının iştrakçısı sizin çoxdan gözlədiyiniz bir sıra məsələlərlə bağlı Əmək və Əhalinin Sosial Müdafiəsi Nazirliyində rəsmi qəbulda olduq. Sizin adınızdan nazir Səlim Müslümova ünvanladığımız məktubu ona təqdim etmişdik. İyunun 18-də nazir köməkçisi İqbal Hacıyev cənabları mənimlə əlaqə saxlayaraq, nazirin xahişini Qarabağ savaşının iştrakçılarına çatdırmağı xahiş etdi. Qısaca xatırladım ki, bizim "qan pulu" adlandırdığımız və verilməsi 2012-ci ilin mayın-1-dən dayandırılan "veteran pulu" ilə bağlı məsələnin həllinin yubadılması hər birimizi ciddi narahat edir. Bizim müraciətimiz şəxsən nazirin diqqətinə çatdırılıb və onun göstərişinə əsasən ƏƏSMN tərəfindən təkliflər paketi hazırlanaraq Milli Məclisə təqdim edilib. Nazir köməkçisinin deməsinə görə, MM-in payız sessiyasında bu məsələ müzakirəyə çıxarılacaq və onun müsbət həll olunması gözlənilir”.
ANN.Az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
