Bir qrup diplomat, jurnalist, yazıçı cəbhəyanı kəndlərdə olub

İsrailin Azərbaycandakı səfiri Rafael Harpaz Tovuz Rayon İcra Hakimiyyətində görüş keçirib. İcra hakimiyyətinin rəhbərliyilə görüşdə İsrailli iş adamlarının regiona investisiya imkanları əsas müzakirə mövzusu olub. Eyni zamanda, humanitar və sosial sahələrdə əməkdaşlığın mümkün perspektivlərindən danışılıb. Daha sonra diplomat və xanımı Tovuzun Ağdam kəndində olub. Millət vəkili Qənirə Paşayeva bildirib ki, qarşı tərəfdən atəşkəsin tez-tez pozulması insanların həyat şərtlərini çətinləşdirir və dinc sakinlər mütamadi olaraq, hədəfə alınırlar. Eyni zamanda İraqın Kərkük vilayətindən və qardaş Türkiyədən olan bir qrup yazıçı və jurnalist də Tovuza səfər edib. Səfərin yekunu olaraq, jurnalistlərin regiondakı vəziyyətlə bağlı reportajlar hazırayacağı bildirildi. Daha sonra Kərkük və Türkiyədən olan qonaqlar hərbi hissədə əsgərlər görüş keçirdilər.Tovuzun sərhəd kəndləri Ermənistan silahlı qüvvələri tərəfindən tez-tez gülləbaran məruz qalır. Atəşkəsin pozulması mütamadi olaraq sivil sakinlərə xeyli miqdarda ziyan vurur. Bəzi hallarda insan itkisilə yadda qalır. //Anspress