Yoluxma artarsa, qaydalar sərtləşdirilə bilər - TƏBİB-dən xəbərdarlıq

"Yoluxma sayının artmağa doğru davam etməsi sərt tədbirləri qaçınılmaz edəcək".

Anews.az Trend-ə istinadən xəbər verir ki, bunu TƏBİB-in İnfeksiya xəstəlikləri üzrə işçi qrupunun rəhbəri Vasif Əliyev deyib.

Onun sözlərinə görə, bir çox ölkələr yoluxma sayının artmasına görə, sərt tədbirlərə, məhdudiyyətlərə gedirlər:

"Bütün ölkələrin çarpayı sayı, tibbi personalın sayı məhduddur. Vətəndaşlar dərk etməlidir ki, maska qoruyucu vasitədir. Maska taxmaqla təkcə özünü deyil, ailəsini, yaxınlarını da qorumuş olur. Maskadan istifadə və digər karantin qaydalarına əməl etməyin məsuliyyətini hər bir vətəndaş hiss etməlidir".

Onun sözlərinə görə, artıq virusdan təkrar yoluxma halları da təsdiqlənib, buna görə də virusdan sağalan insanlar arxayınlaşmamalıdır.



www.anews.az