Göygöl rayonunda avtomobil qəzası baş verib

Göygöl rayonunda 3 nəfərin xəsarət alması ilə nəticələnən yol-nəqliyyat hadisəsi baş verib.

Anews.az xəbər verir ki, rayonun Topalhəsənli kəndində minik avtomobili aşıb.

Nəticədə avtomobildə olan 1994-cü il təvəllüdlü Tofiq Yaqub oğlu Nəzərov, 1998-ci il təvəllüdlü Misir Hacıyev və daha bir nəfər xəsarət alıb.

Xəsarət alanlar xəstəxanaya yerləşdirilib, onlardan birinin vəziyyəti ağıdır.