Gəncədə Qafqazın ən böyük istirahət mərkəzi tikilir - FOTOLAR

Gəncədə Heydər Əliyev parkında 8 hektar ərazidə regionun ən böyük ailəvi yay və qış istirahət-əyləncə məkanı tikilir. İstirahət məkanın inşasına ötən ilin iyul ayından başlanılıb. Parkda uşaqların əylənməsi, böyüklərin də rahat istirahət etməsi üçün hər cür şərait yaradılır.ANN.Az Kəpəz TV-yə istinadən xəbər verir ki, əyləncə parkında Türkiyədən gətirilən 30 ədəd attraksion quraşdırılır, ailəvi kafe və restoran, avtodrom, uşaq meydançası, at həvəskarları üçün ippodrom, futbol, voleybol və tenis meydançaları tikilir. Əraziyə müxtəlif cür heykəllər və fiqurlar da yerləşdirilib. İstirahət və əyləncə parkının bu ayın sonuna kimi təhvil verilməsi nəzərdə tutulur.ANN.Az