Braziliya Prezidenti özünə vaksinin vurulmasına icazə verməyəcək

Braziliya Prezidenti Jair Bolsonaru koronavirus peyvəndlərinə inanmadığını açıqlayıb.

Anews.az xəbər verir ki, o, hətta Ali Məhkəmənin (STF) "COVID-19” vaksininin mütləq vurulması qərarını da qınayıb. Bolsonaru 2021-ci ilin sonunadək hər kəsin peyvənd olunmayacağını, bunun mümkünsüz olduğunu vurğulayıb.

Prezident özünə vaksinin vurulmasına icazə verməyəcəyini söyləyib.

"Burada bir şeyi yaxşı başa düşmək lazımdır. "Pfizzer” firması ilə müqavilə bağlanan zaman qeyd olunur ki, hər hansı mənfi təsir zamanı  məsuliyyət daşımırıq. Bir supermenə çevrilirsinizsə, bir qadın saqqal çıxarırsa və ya bir kişi incə danışmağa başlayırsa, bunun onlarla heç bir əlaqəsi yoxdur. Daha pisi, insanların immunitet sistemini dəyişdirir”, - deyə dövlət başçısı bildirib.