Professor işdən niyə qovulub? - Təfərrüat

 İnstitutktkn direktor müafini Allahyar Muradov Bakupost.az-a bildirib ki, oğurluq olduğu üzə çıxan məqalə “İqtisadiyyat” qəzetindəki iki hissə dərc edilib. Sonradan məlum olub ki, məqalə Rusiyanın Sankt-Peterburq şəhərində dərc edilmiş dərslikdən götürülüb: “İnstitutumuzda beş əməkdaşdan ibarət komissiya yaradıldı. Məqalələr tutuşduruldu, yoxlandı və plagiat, müəllim hüquqlarının pozulması faktı təsdiqləndi”.

Komissiyanın rəyindən sonra İqtisadiyyat İnstitutunda iclas keçirilib: “Plagiatçılar yekdilliklə pisləndi. İnstitutun direktoru professor Ağadadaş Qafarovun işdən çıxarılması barədə qərar qəbul etdi, məqalədə imzası olan dosent İlkin Soltanlıya isə töhmət verildi”.

Allahyar Muradov hesab edir ki, Ağadadaş Qafarovun işdən qovulmasını şəxsi düşmənçiliklə əlaqələndirməsi düzgün deyil: “Onun özü etiraf etdi ki, yazının köçürülməsinin təşəbbüsçüsü olub. Dosent Soltanlıya daha yüngül cəzanın verilməsinə gəlincə, Qafarovdan fərqli olaraq, o, məqalənin köçürmə olduğunu bilməyib. O, gənc alimdir, yaxşı oğlandır. Biz ona özünü gələcəkdə göstərmək üçün şans verdik”.