Rəşid Mahmudov: “Gey aparıcıları dəstəkləyən məmurlar var”

 

R. Mahmudov Publika.az-a açıqlamasında deyib ki, Azərbaycanda telekanalların çoxu bağlanmalıdır: “Mən bunu onların özlərinə də dəfələrlə demişəm. Ancaq bu sözləri ilk növbədə jurnalistlər deməlidir, jurnalistlərin özləri qabartmalıdır. Media bu millətin sifətidir. Mən deyirəm, səsimə səs verən olmur, sonra ortalıqda tək qalıram. Məndən başqa heç kəs dillənmir. Hamısı yaltaqdır. Hamı dillənməlidir. Yoxsa ki, heç kəs, nə ABŞ, nə Rusiya gəlib Azərbaycanı düzəltməyəcək. Buranı sən və mən düzəltməliyik. Əgər mənim başıma it oyunu açırlarsa və sən də mənə yiyə durmursansa, o zaman bunun heç bir faydası olmayacaq. İnsanlarımız mövqesiz qalmamalıdır”. R.Mahmudov bildirib ki, indi özəl televiziya kanallarının efirlərində yayımlanan verilişlər biabırçı vəziyyət alıb: “Baxan da yoxdur. Kim nə istəyirsə, onu da edir”. Azərbaycanda fəaliyyət göstərən "Nəfəs LGBT Alyansı"nın mayın 17-də Homofobiya ilə Beynəlxalq Mübarizə Günündə aksiya keçirməsinə də toxunan R.Mahmudov deyib: “Bu cür canlılar Məhəmməd Peyğəmbərin dövründə də olub. Bunlara cəmiyyətin tərkib hissəsi kimi baxmaq doğru deyil. Bu cür halları görəndə belə düşünürsən ki, yəqin, Azərbaycanda bəzi məmurlar da mavidir və bunlara kömək edirlər. Amma bu da bir həqiqətdir ki, gey, mavi aparıcıları dəstəkləyən məmurlarımız var. Onların kim olduğunu jurnalistlər də yaxşı bilir”.