Şəkidə avtomobil körpüdən aşıb - 1 nəfər ölüb, 2 nəfər yaralanıb

Bu gün Yevlax-Zaqatala-Gürcüstan sərhəd magistral yolunun 56-cı kilometrliyində - Şəki rayonu Daşüz kəndi ərazisindən keçən hissəsində ölümlə nəticələnən ağır yol qəzası baş verib.

Anews.az-ın məlumatına görə, Qax rayonu Şotovar kənd sakini 1995-ci il təvəllüdlü Rəvan Rəsul oğlu Məcidov idarə etdiyi "Mercedes” markalı minik avtomobiliylə Yevlax rayonu istiqamətindən Qax rayonu istiqamətində hərəkətdə olarkən idarəetməni itirib və avtomobil körpüdən aşıb.

Sürücü və avtomobildə olan digər sərnişin Qax rayonu Turaclı kənd sakini, 1998-ci il təvəllüdlü Hüseyn Mədət oğlu Hüseynov aldıqları müxtəlif dərəcəli bədən xəsarətləri ilə Şəki Rayon Mərkəzi Xəstəxanasına aparılıb.