“Aerodrom” papaqlı tipik Bakılı

Bakılıların başındakı aerodromları xatırlayırsınız? İndiki gənclər geniş dəyirmi papaqların aerodrom adlanmasından bixəbərdirlər, "Bakılı Oğlanlar " Şən Və Hazırcavablar Klubunun parlaq oyunçularından biri - Bəhram Bağırzadə səhnəyə məhz belə papaqda çıxmışdı. 

İndi Azərbaycanda gənclər belə papaqlar taxmırlar. Onlar ya başlarını qırxırlar, ya da qadınınkına bənzər tellər buraxırlar, ya da saçlarına hansısa krem çəkirlər. Deyəsən, saçlara krem çəkmək dəbdən düşməyib. 

60-80-ci illərin tipik azərbaycanlı obrazı artıq tarixə qovuşub və indi yalnız kinofilmlərdə və yumoristik verilişlərdə rastımıza çıxır. 

Jurnalist Çingiz Sultansoy belə bir tipik azərbaycanlını gözlənilmədən qəbir daşında gördü. Məhz bu səciyyəvi cəhətlərinə görə cəmiyyətdə çox sevilən mərhumun doğmaları, göründüyü kimi, qara mərmərdə onun obrazını canlandırdılar. 

Biz müsəlman azərbaycanlılar bax beləyik. Qəbrin üstündə nəsə çəkmək, hətta nəsə yazmaq günah sayılır, ancaq biz sanki bədii əsər çəkirik. 

Quran insanı şənləndirən içkilər qəbul etməyi qəti şəkildə qadağan edir. Amma özünü müsəlman sayan kişilərimiz rus arağını sevirlər. Ən yaxşı halda, pivə. Çaxır və şampan kişiyə layiq içkilər sayılmır.

Baxın, görün bu mərhumun nə qədər üstünlükləri var: Başında aerodrom, bığları, qarşısındakı masanın üstündə araq, su və şampan (şampan rəsmini nədən çəkdiklərini nəsə anlamadım). O, göyərtidən dadır, kabab yeyir, buna görə də sərxoş olmur, desert üçün isə qırmızı quba almaları var.

O, qədəh qaldırıb və sizin saflığınız, sədaqətiniz və dostluğunuz haqqında sağlıq deyir. Bəlkə də sizin ailəniz və övladlarınızın şərəfinə...

Kamal Əli

ANN.Az