Nazirlikdən ana ölümü ilə bağlı açıqlama

“Demək olar ki, ölüm doğuşla bağlı olmayıb, ürək problemi ilə bağlı olduğu ehtimal edilir”.Bunu APA-ya açıqlamasında iyunun 7-də Binəqədi rayonu ərazisindəki Məlikov adına 6 saylı Şəhər Klinik Xəstəxanasında baş verən ana ölümünə münasibət bildirən Səhiyyə Nazirliyi mətbuat xidmətinin rəhbəri Anar Qədirli deyib. O qeyd edib ki, Günay Əliyevanın ölüm səbəbini tam bilmək üçün ekspertizanın rəyini gözləmək lazımdır: “Hazırda ekspertiza gedir. Ekspertizanın nəticələrindən sonra səbəb məlum olacaq”. Qeyd edək ki, Günay Əliyevanın 27 yaşı olub. Doğuş zamanı G.Əliyeva ölsə də, uşaq sağdır.ANN.Az