“Mozart” limana daxil olan kimi azərbaycanlının cənazəsi Vətəninə göndəriləcək”

Nazir qeyd edib ki, Nigeriyada hücuma məruz qalmış gəmi hazırda Qabonun ərazi sularında yerləşir.
Çavuşoğlu xatırladıb ki, "Mozart” xarici gəmi sahibinə məxsusdur, lakin onun ekipajı Türkiyə şirkəti tərəfindən verilib.
"Yəni gəmi Türkiyə şirkətinə məxsus deyil. Ekipaj üzvlərinin 19-u etnik türklər, biri Azərbaycan vətəndaşıdır. Sonuncu təəssüf ki, həlak olub”, - nazir deyib.
Çavuşoğlu bildirib ki, azərbaycanlı həmkarı Ceyhun Bayramovla sözügedən insidenti müzakirə edib.
"Ölənin meyiti Türkiyə vasitəsilə Azərbaycana gətiriləcək. Hər iki ölkənin XİN və konsulluq şöbələri məsələ üzərində işləyirlər”, - deyə nazir qeyd edib.
Qeyd edək ki, dəniz quldurları 19 ekipaj üzvündən 15-ni girov götürüb. Qarşıdurmada 1 azərbaycanlı həlak olub. Hazırda gəmidə üç ekipaj üzvü var.

www.anews.az