Dəniz quldurlarının azərbaycanlı dənizçini öldürməsinin TƏFƏRRÜATLARI

1 ekipaj üzvünün öldürüldüyü, 15 nəfərin qaçırıldığı Türkiyə şirkətinə məxsus "Motsart” gəmisinin qurtarılan ekipaj üzvləri həmin an yaşadıqları hadisənin təfərrüatlarını danışıb.

Hücumdan xilas olunan baş mühəndis Süha Tatlıgül və üçüncü göyərtə məmuru Furkan Yaren hadisənin 6-7 saat ərzində davam etdiyini bildiriblər. Onların sözlərinə görə, piratların gəmiyə hücumu zamanı heyət üzvləri kapitanın otağına girərək qapıları arxadan bağlayıblar. Quldurlar uzun müddətdən sonra qapını qıra biliblər. İçəri girən kimi silahla hücum ediblər. Həmin vaxt gəminin azərbaycanlı heyət üzvü, ikinci mühəndis Fərman İsmayılov qətlə yetirilib. Süha Tatlıgül özünün sağ qalması ilə bağlı onu qeyd edib ki, o qapının açılacağını hiss etdiyi üçün özünü kanatların yerləşdiyi boşluğa atıb.

 

Qeyd edək ki, 22 yanvar tarixində Liberiya bayrağı altında üzən "Motsart” adlı gəmisi Nigeroyanın Laqos şəhərindən Keytauna gedərkən dəniz quldurlarının hücumuna məruz qalıb.