Gecə saatlarında işləyən restoranın sahibi həbs edildi

Sumqayıt şəhərində karantin rejimi qaydalarını pozaraq gecə saatlarında fəaliyyət göstərən restoran aşkar edilib. 

Anews.az DİN-ə istinadən xəbər verir ki, fevralın 6-da gecə saat 1 radələrində şəhərin 6-cı məhəllə ərazisində yerləşən "Zeytun” restoranının sanitar-epidemioloji normaları pozaraq fəaliyyət göstərdiyi müəyyən edilib. 

Polis əməkdaşları tərəfindən restoranı icarə əsasında işlədən şəhər sakini Ş.Əkbərovla profilaktik söhbətlər aparılıb və karantin qaydalarına əməl etməyin vacibliyi onun diqqətinə çatdırılıb.

Ş.Əkbərov barəsində İnzibati Xətalar Məcəlləsinin 211.1-ci maddəsi ilə (Epidemiya əleyhinə rejimin, sanitariya-gigiyena və karantin rejimlərinin pozulması) protokol tərtib olunaraq məhkəməyə göndərilib.