Xəzərdə suyun səviyyəsi azalıb

"Son dövrlər Xəzər dənizinin səviyyəsi azalmağa doğru gedir”.

Bu barədə Ekologiya və Təbii Sərvətlər Nazirliyinin Su ehtiyatlarının idarə edilməsi şöbəsinin müdiri Mütəllim Əbdülhəsənov bildirib.

O qeyd edib ki, bu proses mütəmadi olaraq baş verir: "Bu, bir neçə yüz illər əvvəl də müşahidə olunurdu, indi də müşahidə olunur. Həmçinin Azərbaycan çaylarının suyunda azalma müşahidə olunur. Azərbaycan  çaylarında yaxın 20 ildə sululuq 10-15 faiz azalıb. Həmçinin Volqa və Ural çaylarında da azalma müşahidə olunur. Bütün bunlar Xəzər dənizinin suyunun azalmasına gətirib çıxarıb”.