“28 may“ metro stansiyasının girişi nə vaxt istifadəyə veriləcək?

Sərnişinlər bildirirlər ki, isti yay günlərində Cəfər Cabbarlı keçidindən uzun yol qət edərək metroya daxil olmaq, həm artıq vaxt itkisinə, həm də narahatlığa səbəb olur.

Məsələ ilə bağlı Aktual.az-a açıqlamasında Bakı Metropoliteni mətbuat xidmətinin rəhbəri Nəsimi Paşayev deyib ki, əsas girişin açılması müəyyən texniki problemlərin aradan qaldırılmasından sonra baş tutacaq:

"Dəqiq tarixi biz özümüz də bilmirik. Ona görə də, konkret bir söz deyə bilmərəm. Amma onu bilirəm ki, stansiyada bəzi problemlər var. O problemlər aradan qalxan kimi metrostansiyanın girişi istifadəçilərə təhvil veriləcək".