Paşinyanı ələ salan erməni general vəzifəsindən qovulub

Ermənistan Prezidenti Armen Sarkisyan ölkənin Silahlı Qüvvələrinin Baş Qərargah rəisinin birinci müavini Titran Xaçatryanı vəzifəsindən azad edib. 

Yerli mətbuatdın verdiyi xəbərə görə, buna səbəb, generalın "İskəndər” taktiki raket kompleksləri ilə bağlı hökumət başçısının şərhini ələ salması göstərilir. 

Belə ki, bundan əvvəl Nikol yerli mediayaya Dağlıq Qarabağda gedən müharibə zamanı Azərbaycana qarşı "İskəndər” taktiki raket komplekslərindən istifadə edilməsi və onun "partlamaması” və ya "10 faiz partlaması” barədə açıqlama vermişdi. Paşinyan bununla keçmiş Prezident Serj Sarqsyanın "hələ döyüş əməliyyatlarının başlanğıcında erməni hərbçilərinin "İskəndər”dən istifadə etməli olduğuna” dair ittihamına cavab vermişdi. 

General-leytenant Xaçatryan isə öz növbəsində, jurnalistin "İskəndər” raketinin doğrudanmı 10 faiz partlaması ilə bağlı sualına istehza ilə cavab verib. "Əlbəttə mümkün deyil... Necə?... "İskəndər”?... Bir atəş?... 10 faiz?... Bağışlayın, amma bu qeyri-ciddidir”.