Yevlax və Tərtər sakinlərindən odlu silah götürüldü

Yevlax və Tərtər sakinlərindən odlu silah götürülüb.

Daxili İşlər Nazirliyinin mətbuat xidmətindən Anews.az-a verilən məlumata görə, Yevlax rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş B.Qurbanovdan kustar üsulla hazırlanmış "Naqan” tipli revolver və 6 ədəd patron aşkar edilərək götürülüb.

Bundan başqa, Tərtər Rayon Polis Şöbəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində Qapanlı kənd sakini E.Mirzəyevə məxsus yardımçı təsərrüfata baxış zamanı oradan müvafiq sənədləri olmayan "TOZ-B” markalı ov tüfəngi aşkar edilərək götürülüb.

Hər iki faktla bağlı araşdırma aparılır.

www.anews.az