Azərbaycanda orta aylıq əməkhaqqı nə qədərdir?

2021-ci ilin yanvar ayında ölkə iqtisadiyyatında muzdla çalışan işçilərin orta aylıq nominal əməkhaqqı 690,9 manat olub.


Anews.az xəbər verir ki, "oxu.az”ın Mərkəzi Bankdan əldə etdiyi məlumata əsasən, orta aylıq nominal əməkhaqqı əvvəlki ilin müvafiq dövrünə nisbətən üç faiz azalıb.


Fevralın 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 43,4 min nəfər və ya 2,6 faiz artıb və 1 milyon 684,4 min nəfər olub. Onlardan 915,3 min nəfəri iqtisadiyyatın dövlət sektorunda, 769,1 min nəfəri isə qeyri-dövlət sektorunda fəaliyyət göstərib.


İqtisadiyyatın mədənçıxarma sənayesi, maliyyə və sığorta fəaliyyəti, informasiya və rabitə, peşə, elmi və texniki fəaliyyət, eləcə də nəqliyyat və anbar təsərrüfatı sahələrində orta aylıq nominal əməkhaqqı daha yüksək olub.

www.anews.az