Merkel sərt tənqid olunan qərarını LƏĞV ETDİ

Almaniya kansleri Angela Merkel sərt tənqidlər fonunda uzadılmış Pasxa tətili qərarını ləğv edib.

News24.az "Bild"ə istinadən xəbər verir ki, A.Merkel və Almaniyanın bölgə rəhbərləri arasında keçirilən təcili onlayn görüşdə kansler koronavirusun yayılmasına qarşı mübarizə üçün qəbul edilmiş 1-5 aprel tarixlərində tətil qərarını geri çəkib.

Qəzetin yazdığına görə, Merkel iclas iştirakçılarına əvvəlki qərar üçün məsuliyyəti öz üzərinə götürdüyünü söyləyib.

Qeyd edək ki, bazar ertəsi günü Almaniya səlahiyyətliləri genişləndirilmiş Pasxa tətillərini tətbiq eəcəkləri barədə açıqlama veriblər. 2, 4 və 5 aprel tətil həftəsi əvəzinə (Müqəddəs Cümə və Pasxa), vətəndaşlar 1 ilə 5 Aprel arasında istirahət edəcəkdilər. 1 və 3 aprel tarixlərində supermarketlər qapalı qalmalı, vətəndaşlar 5-dən çox adamla görüşməməli idi.

Səlahiyyətli orqanlara görə, uzadılmış tətillər ölkədəki pandemiyanın üçüncü dalğasının qarşsıını almalı idi. 

Bu qərar müxalifət partiyalarının kəskin tənqidinə səbəb olmuşdu
www.anews.az