Tələbələrin təhsil haqqları aztəminatlı ailələrə şamil edilmir -Deputat

 Dövlət tərəfindən tələbələrin təhsil haqqları üçün edilən yardım aztəminatlı ailələrə şamil edilmir. 

 

Anews.az xəbər verir ki, bu sözləri deputat Əli Məsimli Milli Məclisin bu gün keçirilən iclası zamanı deyib. 

 

"Dövlət koronavirus pandemiyası dövründə aztəminatlı ailələrin uşaqlarının təhsil haqqını ödəyib. Bu proses bu il də davam edəcək.  Amma bir nüansı qeyd etmək istəyirəm ki, bu, adına pay torpaqları olan və həqiqətən aztəminatlı olan ailələrinin uşaqlarına şamil edilmir. Bu məsələyə yenidən baxılmasını təklif edirəm. Gəlirləri ehtiyac meyarından aşağı olan ailələrin uşaqlarının bu humanist addımdan yararlanması təmin olunsun. 5 hektara qədər torpaq sahəsi olan, amma gəlirlərinə görə aztəminatlı olan ailələrin uşaqlarının da təhsil haqları dövlət tərəfindən qarşılansın. Təhsil prioritetdir” - deyə əlavə edib.

 

Gülnar Nazimqızı