Bu xidmətlərdən istifadə etmək istəyənlərə COVID pasportu tətbiq olunacaq - RƏSMİ

"Azərbaycanda koronavirus (COVID) pasportu tətbiq olunacaq”.

Bunu Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında operativ qərargahın brifinqində bildirib.

Onun sözlərinə görə, iki doza vurulanlara vaksin sertifikatı veriləcək: 

"Digər sertifikat isə immunitet sertifikatıdır. Bu, xəstələnib və sağalanlara veriləcək. Bu iki sertifikatın hər ikisi COVID pasportu adlanacaq. İlkin olaraq bunların hər hansı birinə malik olanlar idman sağlamlıq obyektlərinin xidmətindən istifadə edə biləcəklər”.