Gəncədə ailə münaqişəsində vəfat edən şəxsin ölüm səbəbi məlum oldu - YENİLƏNİB

Gəncə şəhərində mülk üstə düşən mübahisə zamanı dünyasını dəyişən şəxsin ölüm səbəbinin infarkt olduğu məlum olub.

"Report"un Qərb Mərkəzinin məlumatına görə, şəhərin Bayan küçəsi 110 ünvanında baş vermiş ailə daxili mübahisə zamanı, 1968-ci il təvəllüdlü Əlixan Cəfərov dünyasını dəyişib. Onun qardaşı ilə mübahisə zəminində öldüyü bildirilsə də, aparılan araşdırmalar nəticəsində ürək xəstəsi olan Ə.Cəfərovun həyəcan və əsəbdən infarkt keçirdiyi məlum olub.

Qeyd edək ki, ailədə mülk üstə mübahisə yaşanıb və məhrumun sərxoş olan qardaşı ilə ailə üzvləri arasında mübahisə yaşanıb.

Faktla bağlı araşdırma davam edir.

Gəncə şəhərində 58 yaşlı kişinin ölümünə səbəb olan mübahisənin bəzi təfərrüatları məlum olub.

"Report"un Qərb Mərkəzinin məlumatına görə, şəhərin Bayan küçəsi 110 ünvanında yaşayan 1968-ci il təvəllüdlü Əlixan Cəfərov sərxoş qardaşı ilə mübahisə edib və o, vaxt yumruq və təpik zərbələri alıb. Bundan sonra Ə.Cəfərovun halı pisləşib və yerindəcə dünyasını dəyişib.

Mübahisə zamanı məhrumun övladları, Sərxan və Elxan da üz nahiyəsindən xəsarətlər alıb. Onlara da əmiləri tərəfindən xəsarət yetirildiyi bildirilir.

Ə.Cəfərovun ölüm səbəbini öyrənilməsi üçün meyiti məhkəmə-tibb ekspertizasına təhvil verilib.

Faktla bağlı araşdırmalar davam etdirilir.

Gəncə şəhərində yaşlı kişi ailədaxili münaqişə zəminində aldığı yumruq zərbəsindən sonra halı pisləşərək ölüb.

"Report"un Qərb Mərkəzinin məlumatına görə, hadisə şəhərin Bayan küçəsində qeydə alınıb. Gəncə şəhər sakini, 1963-cü il təvəllüdlü Əlixan Cəfərov yaxınları ilə yaranmış mübahisə zəminində yumruq zərbəsi alıb. Onun halı pisləşib və oradaca dünyasını dəyişib.