“Hər gün 10 kişi ilə cinsi əlaqədə olurduq, 50 lirə verirdilər” - Fahişəliyə məcbur edilən qadın

19.07.2021 12:24

Xaçmaz rayonundan bir neçə qadını işləmək adı ilə aldadaraq Türkiyəyə aparıb fahişəliyə məcbur edən 62 yaşlı Aynurə Quliyeva Bakı Ağır Cinayətlər Məhkəməsinin hökmü 8 il müddətinə azadlıqdan məhrum edilib.

Belə ki, Quliyeva 2017-ci ilin iyun ayında Xaçmaz rayonu Xudat şəhərindəki evində kirayədə yaşayan Gülərə Türkiyənin Merzifon şəhərində iş təklif edib.

Gülər məhkəmədə ifadə verərək deyib ki, Aynurə Quliyeva ilə öncə Xaçmaz rayonunda çayxanada ofisiant işləyərkən tanış olub. "Aynurə də həmin kafedə aşpaz işləyirdi. Mənə dedi ki, həmin şəhərdə Cəmilə adlı tanışı var, fahişəliklə məşğul olur və buna görə də uşağına baxa bilmir. Mənə təklif etdi ki, Cəmilənin uşağına baxıb günə 10 manat pul alacağam. Mən də razılaşdım, birgə Merzifona getdik. Cəmilə uşağı mənim yanımda qoyub özü gecələr kişilərlə görüşməyə gedirdi. Sonra Aynurə Cəmilədən borca pul götürdü və qaytara bilmədiyi üçün o da fahişəliyə başladı. Bir müddət sonra Aynurə ilə ayrıca kirayə ev tutub birgə fahişəlik edib Cəmiləyə olan borcu yığıb qaytardıq”.

Gülər ifadəsinin davamında qeyd edib ki, bir müddət sonra Aynurə Quliyeva Xaçmaza qayıdaraq kafelərin birində xadimə işləyən Rəvanə və Aygünü də özü ilə Türkiyəyə gətirib və qızları ı Yavuzun evinə aparıb. Həmin qızlardan da xarici pasportları alınıb.

Rəvanə ifadəsində bildirib ki, Yavuzun evinə getdikdən sonra həmin şəxs ora bir neçə kişi dəvət edib. "Aynurə dedi ki, bu kişilərlə cinsi əlaqədə olmalısınız. Bizim ona 450 manat borcumuz var idi. Biz borcu ödəmək üçün gündə 8-10 kişi ilə əlaqədə olurduq. Amma Aynurə bizə 50 lirə verirdi”, - deyə xanım vurğulayıb.

Gülər əlavə edib ki, 10 gün onları istismar etdikdən sonra xarici pasportunu alaraq oradan gedib. Lakin Rəvanə ilə Aygün Yavuzun evində qalıb. "Kişilərdən nə qədər pul aldıqlarını bilmirdik. Bəzən mən hansısa kişi ilə cinsi əlaqədə olmaqdan imtina edirdim. Onda Aynurə məni danlayıb fikrimdən daşındırmağa çalışırdı. Bəzən də kişilər bizi bəyənməyib əlaqədə olmurdu. Mən pasportumu alandan sonra Azərbaycana qayıtdım. Aynurə də gələndən sonra ondan Türkiyədə işlədiyimiz vaxt bizi istismar edib aldığı pulları geri qaytarmasını tələb etdik. Aynurə isə pulları qaytarmadı”.

www.anews.az

Xəbəri bəyəndiniz?

Sosial şəbəkələrdə paylaş