Turizm sahəsində hökm sürən monopoliya bu sektoru çökdürəcək - Mikayıl Mirzəzadə

Turizm üzrə ekspert Mikayıl Mirzəzadə  bildirir ki, oliqarxlar şəhəri hesab olunan Qəbələ  əsl monopoliyadır. "Dövlət Turizm Agentliyi  ölkə turizminin "yağlı” bölgəsi Qəbələyə nəzarət etmir. Əksər obyektlərin arxasından ya məmurlar çıxır, ya da onların qohumları. Yeni obyekt yaratmaq, işlək mexanizmə gətirmək müşkül məsələyə çevrilib. Turizm obyektlərinin çoxu sahibkar məmurlar tərəfindən idarə olunur. Onların da əksəriyyəti bu obyektləri icarəyə verir. İcarə qiymətləri "əlyandıran” olduğuna görə, hər kəs burada obyekt aça bilmir. Bir sözlə arxasında adamı olmayan şəxs bura sadəcə uzaqdan baxır. Qəbələdə qiymətlər sözün əsl mənasında od tutub yanır",  - deyə Mirzəzadə bildirib.

 

Onun fikrincə, Qəbələ istirahət evlərində bir adam üçün nəzərdə tutulan qiymətə qonşu ölkələrdən biri olan Gürcüstanda iki və daha artıq adam istirahət edə bilər. Dünyanın inkişaf etmiş, öndə gedən turizm obyektlərində belə, qiymətlər Qəbələdən aşağıdır. Qardaş Türkiyədə turizm sektoru böyük inkişaf yolu keçib, bütün müasir imkanlar var, lakin orada da qiymətlərAzərbaycandan  qat-qat ucuzdur.

 

Ekspert hesab edir ki, buna səbəb Azərbaycanın turizm sektorunda sağlam rəqabətin olmamasıdır. 

Məsələn  yerli turistə bir çaydan çay 10AZN-ə təklif edilirsə, xarici turistə bu ən azı 30 manata satılır.  Təbii ki, aldadıldığını görən xarici turistin bura son gəlişi olur.

 

 

Adının anonim saxlanmasını istəyən və Qəbələdə  turizm biznesi ilə məşğul olan sahibkar isə bildirdir ki,  qiymətlərin baha olmasına səbəb  bazar iqtisadiyyatının, yəni rəqabətin olmamasıdır. "Bizim ölkədə rəqabətin olmaması hər yerdə özünü belə eybəcər formada göstərir

Məsələ ilə bağlı Dövlət Turizm Agentliyinə müraciət etdik. Agentlikdən bildirdilər ki, 2015-ci ildən turizm şirkətlərinə lisenziya verilməsi dövlət tərəfindən dayandırılıb və qiymətlərin müəyyən edilməsində sahibkarlar sərbəstdirlər.