AXCP üzvü Aqil Hümbətov saxlanılıb

Azərbaycan Xalq Cəbhəsi Partiyasının üzvü Aqil Hümbətov hansısa cinayət əməli çərçivəsində saxlanılıb.

Bunu onun həyat yoldaşı Aygün Hümbətova deyib.

Onun sözlərinə görə, avqustun 11-də Aqil Hümbətov evə gəlib şam yeməyini yeyib, gedib və geri qayıtmayıb.

Gecə Xəzər rayon Polis İdarəsindən həyat yoldaşına zəng edib bildiriblər ki, fəal saxlanılıb. 

"Lakin Aqili nə də şübhəli bildiklərini demədilər”, - deyə həyat yoldaşı qeyd edib.

DİN-nin mətbuat xidmətindən Aqil Hümbətovun saxlanılmasını təsdiq ediblər. "O, avqustun 11-də Zirə qəsəbəsində yerli sakin Yamən Məmmədova şəxsi münaqişə zəminində bıçaq zərbələri vurması səbəbindən saxlanılıb. Hazırda istintaq aparılır”, - deyə qurumdan bildiriblər.

Aqil Hümbətov əvvəllər də təqibə məruz qalıb. 2019-cu ilin mart ayında o siyasi səbəblərdən işdən azad edilməsinə görə rəhbərliyə videomüraciətlə şikayətindən sonra 15 sutkalıq həbs edilmişdi.