Referans Medical Group “Qaliblər düşərgəsi”nin qonağı olub

Referans Medical Group  Vətən müharibəsi şəhidlərinin övladları üçün Buzovna Sanator-Kurort Reabilitasiya Mərkəzində təşkil olunmuş "Qaliblər düşərgəsi”nin qonağı olub. 

Şəhid ailələri qarşısında çıxış edən Referans Medical Groupun nümayəndələri bildiriblər ki,  Azərbaycanın ərazi bütövlüyü uğrunda canından keçən qəhrəman Vətən övladlarının yadigarları olan uşaqlar hər birimiz üçün əmanətdir:

"Dövlətimiz tərəfindən şəhid ailələrinə və onların övladlarına daim xüsusi diqqət və qayğı göstərilir. Bizdə Referans Medical Group ailəsi olaraq hər zaman şəhid övladlarının yanındayıq. Hər bir şəhidimizin, qazimizin övladı bizim üçün doğmadır, daim onların sağlamlığının qeydinə qalmağa hazırıq".

Tədbirdə həmçinin Ulu Öndərin siyasi kursunu uğurla davam etdirən Prezident, Ali Baş Komandan İlham Əliyev rəhbərliyi ilə  44 günlük zəfərimizdən  və ölkəmizin gücünü dünyaya nümayiş etdirməsindən danışıldı. 

Daha sonra  tədbir uşaqlar üçün təkil olunan əyləncə proqramı ilə  davam etdirilib. Həmin tədbirdə olan fotoları sizə təqdim edirik: