Həsənovu İstanbulda öz qohumu güllələyib

İstanbul polisinin əməliyyatçıları qətlin üstünü açmaq üçün videomüşahidə kameralarının görüntülərini təhlil ediblər və hadisə yerindən qaçan iki nəfərin izinə düşüblər. Məlum olub ki, Həsənovun avtomobili svetoforun qırmızı işığında dayanarkən ona yaxınlaşıb açan iki motosikletli hadisə yerindən qaçmağa çalışıblar və ara küçələrdən birində motosikleti yandırmaq istəyiblər. Motosikletin oğurluq olduğu da müəyyənləşib.



Polis müəyyən edib ki, motosikleti idarə edən Türkmənistan vətəndaşı Kurban T. (48 yaş) adlı şəxsdir. Motosikletdən Həsənova atəş açan isə 33 yaşlı Azərbaycan vətəndaşı Raqip H. olduğu bildirilir. Cinayətin motivi olaraq ailədaxili münaqişə göstərilir.


Məlum olub ki, həmin şəxslər Həsənovu hadisə günü oturduğu restorandan təqib etməyə başlayıblar və avtomobili işıqforda saxlayanda onu vurublar. Polis hadisədə əli olan 28 yaşlı Şamil adlı şəxsi də həbs edib.(virtualorg)

www.anews.az