Azərbaycanda neçə nəfərə "əks göstəriş sertifikatı" verilib? - AÇIQLAMA
01.09.2021 16:17
Azərbaycanda indiyə qədər cəmi 313 nəfərə "əks göstəriş sertifikatı" verilib, bu barədə anews.az-a Səhiyyə Nazirliyinin mətbuat xidmətindən məlumat verilib.
"Hamilələr və süd verən analar, kəskin allergik xəstələr və müxtəlif orqanların xəstəliklərinin kəskinləşmə dövrünü yaşayanlar, həmçinin kimyaterapiya müalicəsi alan onkoloji xəstələrin koronavirusa qarşı istifadə edilən peyvəndlərə qarşı birmənalı olaraq əks-göstərişləri var. Vətəndaşlar "Əks-göstəriş sertifikatı” almaq üçün ərazi üzrə poliklinikalara müraciət etməlidirlər. Poliklinika onların məlumatlarını Səhiyyə Nazirliyi tərəfindən yaradılmış xüsusi komissiyaya təqdim edir və komissiyanın rəyi əsasında vətəndaşa "Əks-göstəriş sertifikatı” verilir",-deyə məlumatda bildirilib.
"Əks-göstəriş sertifikatı”nın qüvvədə olma müddəti anemnezidə (xəstə haqqında məlumatlar, onun xəstəlikləri və inkişaf tarixi) olan məlumatlardan asılıdır.
Bu sertifikatlar verilənlər bir müddət sonra xəstəliyin gedişindən asılı olaraq peyvəndə göstəriş yarandıqda vaksinasiya oluna bilərlər. "Əks-göstəriş sertifikatı” istisna hallarda müddətsiz verilə bilər.
Avqustun 9-dan etibarən Azərbaycanda istifadəsinə icazə verilən COVID-19 əleyhinə vaksinlərə qarşı əks göstərişləri olan şəxslərə "əks göstəriş sertifikatı"nın verilməsinə başlanılıb.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
