Azərbaycanda pensiya alanların sayı niyə azalır? - AÇIQLAMA

Pensiyaya çıxdıqdan sonra ən çox pensiya alan şəxslər Sinqapurda (21.75 il),ən az yaşayanlar isə Tacikistanda -  5.88 il qeydə alınıb. 



Onun fikrincə birinci səbəb pensiya yaşının qaldırılmasıdır ki, bu göstəriciyə görə Azərbaycan MDB dövlətləri arasında liderlik edir. 


İkinci səbəb kimi ekspert pensiya hüququnun təmin olunmamasını əsas gətirir, hansı ki,  2016-cı ildən etibarən pensiya haqqını ala bilməyənlərə yaşa görə müavinət (qocalıq müavinəti) verilir. 2019-cu il aprelin 1-indən etibarən onun aylıq məbləği 130 manat təşkil edir. Bu sistemə keçid başlayan ili yaşa görə müavinət alanların sayı 16 min nəfər idi, hazırda onların sayı 110 min nəfərə çatıb. Bu o deməkdir ki, 110 minə qədər ahıl vətəndaşın pensiya haqqı tanınmadığından onlara qocalıq müavinəti verilir.


 
Məsələ ilə bağlı Milli Məclisin Əmək və Sosial Sisayət Komitəsinin sədri Musa Quliyev bildirdi ki, Dövlət Statistika Komitəsində Azərbaycanda pensiyaya çıxan şəxslərin orta yaşama ili 12 bəzən də 13 ildir.
  
"Bu gün Azərbaycanda pensiyaçıların 80 faizindən çoxu yaşa görə pensiya alır. Onlar da 77 yaş üstündə olan şəxslərdir. Bəzi radikal adamlar var müəyyən rəqəmlərlə manipulyasiya etməklə əhalinin müəyyən qrupunun dövlətdən, hökümətdən narazı salmaqla məşğul olurlar. Bizdə orta ömür yaşı təxminən 78 yaşa yaxındır. 2011-ci illə müqayisədə yaşa görə pensiya alanların sayının azalması isə onunla əlaqədardır ki, bir neçə il öncə ölkədə pensiya yaşı 60 idi. Bu rəqəm 65 qədər yüksəldiyi üçün azalma baş verib",  - deyə deputat əlavə etdi.  
 
Gülnar Nazimqızı


www.anews.az