Füzuli hava limanının inşası sentyabrın sonunadək tamamlanacaq

 

"Bu layihə bizim üçün həm çox çətin, həm də bir o qədər asan layihə oldu. Ona görə çətin deyirəm ki, biz layihənin icrasına başlayanda burada heç nə yox idi, hər yerdə isə mina vadı. Amma buna baxmayaraq, Azərbaycan dövləti tikinti üçün lazım olan bütün zəruri addımları atdı. Ərazi minalardan təmizləndi, elektrik verildi və biz də işə başladıq. Bir ay ərzində - sentyabrın sonuna qədər layihəmizi tamamlayacağıq”.

 

Selim Akbayın sözlərinə görə,  bu layihədə 1 000-ə yaxın şəxs çalışıb. "Biz burada çalışan heç bir kəsə " yaxşı işlə, tez işlə" və s. bu kimi sözlər demədik. Layihənin icrasına Türkiyə və digər ölkələrdə hava limanında çalışmış, təcrübəli mütəxəssisləri dəvət etdik”, - deyə Akbay əlavə edib.

O həmçinin bildirib ki,  ərazidə 12 türk şirkəti fəaliyyət göstərir. İnşaat üçün Türkiyə, Rusiya, Çin, Amerika, Almaniya, İtaliya, İspaniya və Finlandiyadan beynəlxalq standartlara uyğun tikinti materialları, tikinti avadanlıqları və aeroport avadanlıqları gətirilib.

Bu gün Füzuli hava limanına Bakıdan iki sınaq reysi həyata keçirilib.