Gecə saatlarında bu iki rayonda yanğın baş verib

Bakı şəhərinin Xətai rayonunda ümumi sahəsi 30 m² olan taxta konstruksiyadan ibarət köməkçi tikili yanıb. 

Bu barədə Fövqəladə Hallar Nazirliyindən (FHN) anews.az-a məlumat verilib.

Bildirilib ki,yüksək temperaturdan yaxınlıqda dayanan "Mercedes" markalı minik avtomobilinin qapısı və güzgüsü qismən qarsalanıb. Avtomobilin qalan hissəsi yanğından mühafizə olunub. 

Gecə saatlarında Cəlilabad rayonunun Ocaqlı kəndində ümumi sahəsi 63 m² olan talvarın yanar konstruksiyaları və altına yığılan 9 ton ot bağlamasının 5 tonu yanıb.
Nazirlikdən verilən məlumata görə, ot bağlamalarının qalan hissəsi yanğından mühafizə olunub. 


Hər iki baş vermiş yanğın mühafizə bölmələri tərəfindən söndürülüb.

www.anews.az