Təhsil tələbə kreditləri bu halda veriləcək

Təhsil Tələbə Kredit fondu cari il ərzində  40 min tələbəyə kredit verilməsini nəzərdə tutur.
Bunu elm, ali və orta ixtisas təhsil şöbəsinin müdiri Nicat Məmmədli "Media və təhsil dialoqu" təlimində  pandemiya dövründə təhsilin inkişafı və əlçatanlıq istiqamətində həyata keçirilən tədbirlər  mövzusunda  çıxışında bildirib.

Kredit həm bakalavr, həm də magist təhsili alan tələbələrə verilməsi planlaşdırılır.

 

" Bu ildən başlayaraq təhsilin əlçatımlı olması ilə bağlı yeni kredit sistemi yaradılıb. Bizim artıq təhsil tələbə fondumuz yaradılıb. Artıq kredit vermə prosesi ilə bağlı qaydalar müəyyənləşib. 80 milyon manatlıq nizamnamə fondu təşkil edilib",-deyə şöbə müdiri əlavə edib.

 

Kreditin 2 növü mövcuddur: sosial tələbə kredit növü və standart tələbə kredit növü. Fərqləri isə ondan ibarətdir ki, hər bir kredit növünün öz tələbə kateqoriyası vardır. Ünvanlı sosial yardım alan ailələrin üzvü olan və əlillik dərəcəsi olan tələbələr sosial tələbə kredit növünə aid olan kreditlərdən istifadə edə biləcəklər. Digər tələbələr isə standart tələbə kredit növündən yararlana biləcəklər. Bütün ali təhsil və orta ixtisas təhsil müəssisələrində əyani və ödənişli təhsil alan tələbələrin bu kredit növlərindən yararlanması nəzərdə tutulmuşdur.

 

Standart tələbə kredit növündə əgər sizin smestr imtahanlarında ki ortalama qiymətinizin 91 baldan yuxarı olarsa faizlər hesablanmayacaqdır. Sosial tələbə kredit növündə isə bu bal 71 olaraq nəzərdə tutulmuşdur. Bütün smestrlər üzrə isə sosialda 50% güzəşt , standartda isə 25% güzəşt nəzərdə tutlmuşdur. Əgər  akademik borc varsa  kredit verilməyəcəkdir.

 

İstər dövlət, istərsədə özəl universitetlərdə də təhsil alan tələbələr kredit növlərindən yararlana biləcəklər.

"Təhsil Tələbə Kredit fondu 1-ci kurslar üçün  keçid ballarına uyğun kredit verir, növbəti mərhələlərdə isə ÜOMG nəzərə alınır. Əgər proses ləngiyibsə və ilk ödənişi özü ödəyibsə kredit alandan sonra həmin ödəniş tələbəyə geri qaytarılacaq",-deyə Nicat Məmmədli əlavə edib.

 

Tələbə Təhsil Kredit Fondu üçün portal.edu.az ilə müraciət edə bilər.


Ləman Qasımova