Kinoteatrlarda maska taxmaq məcburi olacaq?-AÇIQLAMA

"Kinoteatrların zallarında maska taxmaq məcburi olmayacaq. Amma oturacaqlarda ara məsafəsi gözləniləcək". Bu sözləri "CinemaPlus" kinoteatrlar şəbəkəsinin PR meneceri Nərmin Həsənova anews.az-a verdiyi açıqlamasında deyib.

 

O bildirib ki, yalnız ailə üzvləri arasında ara məsafəsinin gözlənilməsi istisna olacaq.

 

Bilet qiymətlərində artımın gözlənilməsi ilə bağlı menecer bildirib ki,qiymətlərdə dəyişiklik gedişatdan asılıdır. Oktyabrın 1-dən film biletlərinin qiymətləri ictimaiyyətə açıqlanacaq. 

 

Sumqayıt Cinemaplus və Amburan Cinemada vətəndaşların COVID-19 pasportları yoxlanılacaq.

 

Azərbaycanda Nazirlər Kabineti yanında Operativ qərargahın verdiyi qərara əsasən 2021-ci ilin oktyabrın 1-dən kinoteatrlar və teatrların fəaliyyətinə icazə verilib.

Ölkədə ən son kinoteatr və teatrlar ötən ilin martın 8-dək fəaliyyət göstərib.