Son bir ayda zorakılığa məruz qalan uşaqlar arasında qızlar üstünlük təşkil edir - RƏSMİ
30.09.2021 17:53
2021-ci ilin avqustunda "Azərbaycan Uşaq Qaynar Xətt” xidmətinə 18 yaşdan kiçik uşaq və yeniyetmələr tərəfindən daxil olan 134 müraciətdən 85-i qız və 53-ü oğlanlar tərəfindən olub, bunu anews.az-ın sorğusuna cavab olaraq "Azərbaycan Uşaq Qaynar Xətt” xidmətinin koordinatoru, psixoloq Xoşqədəm Quliyeva deyib.
O bildirib ki, qaynar xəttə ən çox ailədaxili problemlərlə üzləşən, intihara meyilli,
özünəinam əksikliyi və s. problemlərlə üzləşən uşaqlar müraciət edir.
Ailə, Qadın və Uşaq Problemləri üzrə Dövlət Komitəsinin İnformasiya və Analitik Araşdırmalar şöbəsinin müdiri Elgün Səfərovun sözlərinə görə isə son illərdə psixoloji zorakılığa məruz qalan uşaqların sayı azalıb.
"Azərbaycanda uşaqların daha çox ailədə psixoloji və fiziki zorakılığa məruz qalır. Təəssüf ki, psixoloji zorakılıq faktlarının çoxu qeydiyyata düşmür. Fiziki zorakılığa məruz qalanlar əvvəlcə psixi zorakılığa məruz qalır. Ailədə narkotik və ya alkoqol istifadəsi də uşaqların zorakılığına səbəb olma ehtimallarından biridir. Ötən illə müqayisədə uşaqlara qarşı zorakılıq hallarında azalma müşahidə edilir. Bu cür hallarının aradan qaldırılması ilə bağlı milli qanunvericiliyin təkmilləşdirilməsi işləri mütəmadi davam etdirilməlidir. Maarifləndirmə kampaniyalarının aparılması, risk altında olan ailələrlə psixoloqların birbaşa işləməsi çox vacibdir", - deyə Elgün Səfərov bildirib.
Orxan Mirzəyev
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
