Xaricdə təhsil zamanı bu sahələrə üstünlük veriləcək

Xaricdə təhsillə əlaqəli daha çox texniki və texnoloji sahələrə, fundamental elmlərə üstünlük veriləcək.

"Prezidentin sərəncamı ilə hazırlanacaq "Gənclərin xarici ölkələrin nüfuzlu ali təhsil müəssisələrində təhsil almalarına dair Dövlət Proqramı”nın böyük bir hissəsi magistratura pilləsini əhatə edəcək. Bakalavr pilləsi üzrə də ən yüksək reytinqli ixtisaslar nəzərdə tutulacaq. Birinci siyahıda texniki, texnologiya elmləri ilə bağlı ixtisaslara üstünlük veriləcək. Ölkənin inkişafına daha çox töhfə verilməsi üçün önəmli olan sahələrlə bağlı seçim ediləcək. Birinci dövlət proqramı vasitəsilə təhsil alan tələbələrimizin əksəriyyəti ölkəyə qayıdaraq burada işləyiblər. Yeni proqram hazırlanarkən xaricə oxumaq üçün gedən şəxslərin geri qayıtması ilə bağlı məsələlər də diqqətdə olacaq”, - deyə nazir bildirdi. 

 

Nazir bildirdi ki, seçimin şəffaf, bütün maraqlı tərəflərin iştirakı ilə olmasının tərəfdarıdır. Proqramda ildə təxminən 300-400 nəfərin xaricə göndərilməsi nəzərdə tutulur.