Azərbaycan, Türkiyə və Gürcüstan müdafiə nazirlərinin görüşü keçirilir - YENİLƏNMƏ

Azərbaycan, Türkiyə və Gürcüstanın müdafiə nazirləri – general-polkovnik Zakir Həsənov, Hulusi Akar və Cuanşer Burçuladze arasında üçtərəfli görüş başa çatıb.

Sonda görüşün protokolu imzalanıb.

******

Azərbaycan, Türkiyə və Gürcüstanın müdafiə nazirləri – general-polkovnik Zakir Həsənov, Hulusi Akar və Cuanşer Burçuladze arasında üçtərəfli görüş başlayıb.

Görüş Gürcüstanın Kaxeti bölgəsində Tsinandali kəndində keçirilir.

Tərəflər üç ölkə arasında müdafiə sahəsində əməkdaşlığın gələcək perspektivlərini və bölgədəki vəziyyəti müzakirə edirlər.

"Azərbaycanla ikitərəfli hərbi əməkdaşlığın intensivliyini saxlamaq vacibdir, belə ki, bu, hərbçilər arasında müsbət əlaqələr qurmağa və qarşılıqlı uyğunluğu yüksəltməyə imkan verir”.

Bunu Gürcüstanın müdafiə naziri Cuanşer Burçuladze azərbaycanlı həmkarı general-polkovnik Zakir Həsənovla görüşdə deyib.

Gürcüstanın Müdafiə Nazirliyinin məlumatına əsasən, görüşdə əsas diqqət regionda sülh və sabitlik, həmçinin ikitərəfli əməkdaşlıq məsələlərinə yönəldilib.

Müzakirələr zamanı həmçinin azərbaycanlı hərbçilərin Gürcüstanda çoxmillətli birgə hərbi təlimlərdə iştirakı və bu istiqamətdə gələcək əməkdaşlıq planları nəzərdən keçirilib. Saçxere dağ hazırlığı təlim mərkəzində Azərbaycan hərbçilərinin iştirakı da vurğulanıb.

Görüşün sonunda nazirlər müdafiə sahəsində ikitərəfli əməkdaşlıq planını imzalayıblar.