İran üzərindən Naxçıvana mülki uçuşlara qadağa qoyulmayıb - Rəsmi

Bu gün AZAL Naxçıvana uçuşları Ermənistanın hava məkanından istifadə edərək həyata keçirib.

Sosial şəbəkələrdə isə bir qrup şəxs bunu İranın Azərbaycanın hərbi yüklərinin daşınması üçün hava məkanını bağlaması ilə əlaqələndirib. İddia olunub ki, İranın bu qadağasından sonra Azərbaycan qısa müddətdə Ermənistan hava məkanından uçuşlara başlayıb. Şərhlərdə qeyd olunur ki, İran üzərindən mülki, yəni sərnişin uçuşlarına da qadağa qoyulub.

Hərbi təchizat təyyarələrimizin uçuşuna qadağa qoyuldu - İrandan növbəti xəyanət

AZAL illər sonra ilk dəfə Ermənistan üzərindən uçuşlara başladı

AZAL-dan Anews.az-a bildirilib ki, sərnişin təyyarələrimiz İranın hava məkanından istifadə edə bilir: "Bunu "Flightradar” sisteminə baxış keçirəndə də görmək mümkündür. AZAL-ın İran hava məkanından istifadə edərək sərnişin daşımasına hər hansı qadağa yoxdur”.


Oktyabrın 6-dan etibarən AZAL Bakı-Naxçıvan-Bakı marşrutu üzrə daxili reysi yerinə yetirərkən Ermənistan ərazisi üzərində hava məkanından istifadə etməyə başlayıb.

www.anews.az