“Xalam oğlu mənə təcavüz edib” - Fuad Qəhrəmanlının qızından açıqlama

"Bu yazı çox güman ki, kifayət qədər uzun olacaq. Açığı necə başlayıb necə bitirəcəyim haqqında heç bir təsəvvürüm olmadığından hər şeyi toparlayıb sakit bir şəkildə ifadə etmək mənim üçün çətindir.

Yazını yazma səbəbim bundan bir il əvvəl öz xalam oğlu (Əsgər Ağayev) tərəfindən cinsi zorakılığa məruz qalmam və bu cinayət ilə bağlı ədalət tələb etmək istəyimdir.

Yəqin ki, yuxarıdakı abzası oxuduqdan sonra bir çoxlarınız niyə ədaləti post yazaraq tələb etdiyimi düşünür, məni qınayır və bu hərəkətin absurd olduğunu düşünürsünüz.

Hadisənin detallarını danışmazdan öncə elə sırf bu nöqtəyə diqqət çəkmək və aydınlıq gətirmək istəyirəm ki, mən bu günə kimi digər əl ata biləcəyim bütün legal yolları sınamışam.

Hadisədən iki gün sonra polisə şikayət etmişəm və cinayət işinin istintaq prosesi ərzində sübutların toplanılması üçün bütün lazımi addımları atmışam.

Qeyd etmək istəyirəm ki, bu yaşadığım zorakılığın yalnız öz başıma gəlmədiyini, minlərlə qanının müxtəlif formalarda cinsi zorakılıq ilə üzləşdiyi, bəzən intensiv olaraq bir şəxs(lər) tərəfindən buna məruz qaldığını, həmin qadınların susdurulduğunu, aşağlandığını, tədcrid olunduğunu, ədalət axtararkən belə yanlız və çarəsiz buraxıldığını bildiyim üçün yaşadığım hadisənin individual olduğunu düşünmürəm. Ona görə də ictimai formada üzləşdiyim ədalətsizlik ilə bağlı danışmaq və ortaya tələb qoymaq həm də digər qadınların səsi olmaq, onları hərəkətə keçməyə sövq etmək, içlərini az da olsa rahatlatmaq adına məniь üçün çox vacibdir", - deyə statusda yazılıb.

Daha sonra hadisənin baş vermə prosesi izah edilib.

"2020-ci il 24 avqust tarixində vəkilim  Zibeydə Sadıqova ilə görüşdüyüm üçün evə bir qədər gec qэldım. Anam ilə danışanda mənə evə gəlmək əvəzinə xalam, Sürəyya Ağayevanın evinə getməyimi xahiş etdi. Bunun səbəbi onların şəhərin mərkəzində yaşaması və olduğum yerin onların evinə çox yaxın olması idi.

Xalamgil həftənin bəzi günləri Bakıda, bəzi günləri isə Beyləqanda olur. Xalam oğlu isə demək olar ki, daim Bakıda yaşayır.

O isə digər kompüterdə program yazmaq ilə məşğul idi.

Bir necə saat sonra yenə marketə getmək adı ilə evdən çıxdı və yenə içki ilə qayıtdı. Bu səfər mənə də alkoqollu piyvə içməyi təklif etdi. Mən stəkana töküb müəyyən qədər içdim.

Təqribən bir saat sonra mənə bibisi oğlunun sevgilisi ilə onlara gələcəyini dedi. Mən heç birini tanımadığım üçün yuxarı (evləri bir necə mərtəbəlidir) qalxacağımı, işlərimi bitirdikdən sonra elə orada yatacağımı dedim.

Təqribən saat 2-də ondan telefonumu format etməsini xahiş etdim (Həmin ərəfədə Instagram hesabım ələ keçirilmiş, adımdan seksual xarakterli postlar paylaşılan səhifələrə rəylər yazılmışdı. Telefonum də kifayət qədər pis işlədiyi üçün təhlükəsiz tədbirlərini (lazımı programları endirmək) düzgün yerinə yetirə bilmirdim və telefonumu format etmək məntiqli gəlirdi).

Təqribən saat 3-də artıq mən telefonumu format etmiş, yenidən lazım olan programları yükləyir, hesablarıma giriş etməyə çalışırdım.

Elə bu zaman mənə bibisi oğlunun gəldiyini dedi (qapı döyülmədi. Əlində telefonu var idi)

Mən isə xüsusi heç nə soruşmadan yuxarı qalxdım. Evdən çıxdığını və bir necə dəqiqə sonra yenidən evə qayıtdığını eşitdim. Evə qayıdanda aşağı (yəni mətbəxə) getmişdi. Bir necə dəqiqə sonra məni də mətbəxə çağırıb, heç kimin gəlmədiyini dedi.

Mən aşağı düşdükdə həqiqətən heç kimin olmadığını gördüm və sadəcə mənə niyə kiminsə gələcəyini dediyini soruşdum.
O isə bir-iki dəqiqə görüşdüklərini, daha sonra isə bibisi oğlunun evə girmədən qayıtdığını dedi.

Başqa heç nə soruşmaq ehtiyacı hiss etmədim çünki həmin şəxs ilə elə bir səmimiyyətim yox idi. Açığı onda mənə şübhəli və mənasız da gəlmirdi. Lakin, bibisi oğlunun narkotikdən həbs yatdığını, istifadəçi və satıcısı olduğunu sonradan öyrəndim və zənnimcə həmin gün Əsgər Ağayevin içkimə qatdığı narkotik vasitə və ya bu xarakterli dərmanı həmin şəxs vasitəsilə əldə edib.

Sadəcə bir iki qurtum alıb tamına baxdım və ondan sonra tamamilə boşluqdur. Yalnız qırıq-qırıq, aydın olmayan bəzi epizodlar xatırlayıram (hansı ki, onları xatırlamaq da qətiyyən xoş deyil).

Səhər telefonumun zəng çaldığını eşitdim amma təqribən 10-15 dəqiqə ərzində nə hərəkət edə bilirdim, nə də ki harada olduğumu anlaya.

Bir müddət sonra özümə gəldim və başımı çevirdikdə yanımda Əsgər Ağayevi gördüm. O gün ilə bağlı xatırladığım ən net şey ağrı və qandır.

Paltarlarımı geyinib aşağı düşdüm. Davamlı qışqır,ır onu təhqir edirdim . (İfadəsində səhər ona dediklərimi qonşuların eşitmə ehtiyatını nəzərə alaraq "yuxusunda qorxunc nəsə görüb. Ona gör qışqırırdı" kimi axmaq bir yalan uydurub).

Telefonum mətbəxdə stolun üzərində idi. Əlimi götürmək üçün uzatdım amma o məndən öncə davranıb, telefonu götürüb cibinə qoydu. Bir saat ərzində o evdə həmin iyrənc insan ilə bir yerdə qalamaq məcburiyyətində qaldım. Çünki telefonumu vermir, çıxmaq istəyəndə qarşıma keçirdi.

(Orada geyindiyim ev paltarları divanın üzərində və təmiz idi)

Sadəcə gerçəyi bilmək üçün ona yalandan hər şeyi xatırladığımı deyib, sıxışdırdım. Nəhayət mənə özü hər şeyi danışdı (onda da yalan dediyi nöqtələr var idi). Verdiyi tək açıqlama isə "mən düşündüm ki, yəqin sən də istəyərsən" oldu.

Təqribən bir saat sonra o evdən onu heç kimə heç nə danışmayacağıma inandırıb çıxdım (sadəcə oradan çıxa bilmək üçün yalan deyirdim. Əks təqdirdə bu mümkün olmayacaqdı). Mən qapıdan çıxanda belə axşam evə getməməyimi, heç kimə heç nə deməməyimi, yenidən bura gəlməyi tapşırırdı.

Yuxarıda yazdığım kimi hadisədən iki gün sonra şikayət etdim lakin hələ də həmin şəxs azad bir şəkildə heç nə olmamış kimi həyatına davam edir.

Yasamal Rayon Prokurorluğunda cinayət işinə iki dəfə "kifayət qədər sübut olmadığı" iddiası ilə xitam verdi. Halbuki cinayət işi materiallarında şəxsin cinayəti törətdiyini sübut edən ən az 3 tibbi ekspertiza rəyi var. (Hər biri bu yazıdan sonra paylaşılacaq).

Bu yazdıqlarımın heç biri xahiş və.s deyil. Azərbaycan kimi ədalətsiz bir sistemdə heç bir istək, arzu xahiş yox, ən yumşaq formada ifadə etdikdə tələb olmalıdır. O tələbi isə hansı formada ortaya qoyacağım Prokurorluğun verəcəyi açıqlamaya (və ya səssizliyinə) uyğun formalaşacaq", deyə SƏnay Qəhrəmanlı bildirib.

www.anews.az