Azərbaycanda bu günədək neçə sinif distant tədrisə keçib?

Azərbaycanda bu günədək 241 sinif distant təhsilə keçirilib.

Bu barədə Təhsil Nazirliyindən bildirilib.

Məlumata görə,  onlardan 35-i artıq əyani tədrisə qayıdıb, 206 sinifdə isə distant tədris davam etdirilir.

Bakı üzrə distant təhsilə keçirilmiş 140 sinfin 26-da əyani tədris forması bərpa olunub. 114 sinifdə distant şəkildə təhsil davam etdirilir. Təhsil Nazirliyinin tabeliyindəki S.C.Pişəvəri adına Respublika Humanitar Fənlər Gimnaziyasının bir neçə şagird və müəlliminin COVID-19 testi pozitiv çıxıb. Bu hal əsas götürülərək Nərimanov Rayon Gigiyena və Epidemiologiya Mərkəzinin rəyi əsasında Nazirlər Kabinetinin müvafiq qərarına əsasən, gimnaziyada tədrisin bu gündən etibarən 14 gün müddətinə distant təşkil edilməsinə qərar verilib.