Polis əməkdaşları Ermənistan ordusuna məxsus sursatlar aşkar edib

Polis əməkdaşları Ermənistan hərbi qüvvələrinin daha bir hərbi mövqeyindən sursat aşkar ediblər. Bu barədə Daxili işlər nazirliyindən bildirilib.

İşğaldan azad edilmiş ərazilərin mina və digər partlayıcı vasitələrdən təmizlənməsi, düşmənin qaçarkən atdığı silah-sursatın tapılıb aidiyyəti üzrə təhvil verilməsi istiqamətində polis orqanları və əlaqədar qurumlar tərəfindən intensiv tədbirlər davam etdirilir. 

"Son günlər keçirilən profilaktik nəzarət tədbirləri nəticəsində Xocavənd rayonu ərazisində düşmənin tərk etdiyi hərbi mövqelərdən xeyli sayda  döyüş sursatları aşkar edilib. Həmin tədbirlərin davamı olaraq Xocavənd Rayon Polis Şöbəsinin əməkdaşları rayonun Məmməddərə kəndi ərazisində daha 28 qəlpəli top və 2 tank mərmisi götürərək aidiyyəti üzrə təhvil veriblər",-deyə qurumdan xəbər verilib.

Hazırda tədbirlər davam etdirilir.