“Range Rover”lə 4 nəfərin ölümünə səbəb olsa da, özünü təqsirli bilmir

İttihamda göstərilib ki, 14 iyun 2021-ci ildə Binəqədi rayonunun Novxanı bağlar sahəsində E.Kəlbəliyev sərxoş vəziyyətdə idarə etdiyi "Range Rover” markalı avtomobillə yol hərəkəti qaydalarını kobud şəkildə pozub.

Nəticədə E.Kəlbəliyevin idarə etdiyi avtomobillə Bakı şəhər sakini Murad Ziyadovun idarə etdiyi "Daewoo Damas” markalı avtomobillər toqquşub. E.Kəlbəliyev "Daewoo Damas” markalı avtomobildə olan Bakı şəhər sakinkəri Murad Ziyadov, Kamran Əhmədov, Elman Şıxəliyev və Tovuz rayon sakini Yunis Mürsəlovun sağlamlığına ehtiyatsızlıqdan ağır zərər vurmaqla onların ölümünə səbəb olub.
Elşad Kəlbəliyev elan edilmiş ittiham üzrə özünü təqsirli bilməyib.
Növbəti məhkəmə baxışı noyabrın 5-ə təyin olunub.
Xatırladaq ki, ailə bu hadisədən bir ay keçməmiş daha bir qəza xəbəri ilə gündəmə gəlib. Belə ki, iyulun 5-də Məhərrəm Novruzovun həyat yoldaşı, E.Kəlbəliyevin qayınanası Gülnar Hüseynova da "Mercedes Galandewagen”lə Abşeronda qəza törədib, nəticədə iki nəfər yaralanıb.

www.anews.az