Qafqaz Universitetindən türk müəllimlər çıxarılıb?

Məsələyə universitetin prorektoru aydınlıq gətirib

Qafqaz Universitetinin adının dəyişdirilməsi və oradan çalışan türk müəllimlərin işdən çıxarılması barədə məlumat yayılıb. 

Universitetin İctimaiyyətlə Əlaqələr üzrə prorektoru Natiq Paşa ANS PRESS-ə açıqlamasında Qafqaz Universitetinin adının dəyişdirilmədiyini deyib. Onun sözlərinə görə, universitetin adından “Qafqaz” sözü çıxarılmayıb: “Qafqaz Universitetinin adı sənədlərdə də dəyişdirilməyib. Hazırda onun adı Qafqaz Universiteti olaraq qalır”.

Natiq Paşa uiversitetdə işləyən türkiyəli müəllimlərin ixtisar olunması məsələsinə də münasibət bildirib. O qeyd edib ki, hazırda universitetdə azərbaycanlı müəllimlərlə yanaşı türkiyəli müəllimlər də çalışırlar: “Türkiyəli müəllimlərin işdən çıxarılmayıb. Hazırda onlar universitetdə çalışırlar. Onların ölkələrinə göndəriləcəkləri məsələsini isə Miqrasiya Komistəsi bilir”.

ANN.Az