Qarabağda çayların ekoloji vəziyyəti ilə bağlı yeni qurğular vasitəsilə məlumat almaq OLACAQ

Azad olunmuş zonalarda 11 çayda avtomat hidroloji stansiya, 3 çayda isə həm həm kefiyyət həm də kəmiyyət ölçmək üçün sensorlar quraşdılaracaq, bu da çayın ekoloji durumunu 10 dəqiqədən bir analiz etməyə imkan verəcək. Prosesi həyata keçirtmək üçün tender elanı keçirilir və oktyabrın sonuna kimi tendərdə qalib olan şirkət bu prosesləri icra edəcək. Yəqin ki, 2022-ci ilin birinci yarısına kimi biz nəzərdə tutduğumuz kəmiyyət və kefiyyət sensorları quraşdıra biləcəyik, bunu Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva anews.az-a açıqlamasında bildirib.
 

"Qarabağda su ehtiyatlarını zəngin su ehtiyatı kimi qiymətləndirmək olar. Ölkə daxilində formalaşan su ehtiyatlarının 20%-i azad olunmuş ərazilərin payına düşür. Ölkə daxilində təxminən 10 milyard m su ehtiyatı varsa onun 2 milyarda yaxının Qarabağa aid etmək olar. Ekologiya və Təbii Sərvətlər nazirliyi tərəfindən Qarabağın su ehtiyyatlarına dair rəqəmsal  su ehtiyyatları xəritəsi hazırlanıb. Məqsədimiz  Qarabağda, Zəngəzurda  istənilən, bir sahə üçün planlaşdırılan  işləri səmərəli təşkil etmək üçündür. Hazırlanan rəqəmsal xəritə elektron su təsərrüfatı sisteminə inteqrasiya olunacaq. Xəritə ümumilikdə 38 laydan ibarətdir. Burada istənilən çaylar, sular, hideroloji şəbəkələr, kanallar və müxtəlif məlumatları əldə edə bilərik. Xəritənin özəlliyi budur ki, çaya dair bütün məlumatlarla yanaşı bu ilin sonunadək  dövlət  nəzarəti çərçivəsində ölçmə işlərini avtomatik həyata keçirən, müasir 11 hideroloji  stansiyaların quraşdırılması planlaşdırırlır. Bu məlumatlar  avtomatik  olaraq  elektron su ehtiyyatları xəritəsində  göstəriləcək. Bununla əlaqədar olan bütün təşkilatlar,  Kənd Təsərrüfatı Nazirli və Azərsu məlumatlardan yararlana biləcək", deyə Umraya Tağıyeva qeyd edib.
 
Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva Qarabağda ən çox çirkələnən çayların Oxçuçay,Bəsitçay və Bərgüşadçay olduğunu əlavə etdi.
 
"İşğaldan azad olunan ərazilərdəki əsas çaylar olan Oxçuçay,Bəsitçay və Bərgüşadçaydan həftədə iki dəfə bəzi hallarda isə daha çox analizlər götürürük.Ən çox Oxçuçay çirlənmiş çay hesab olunur. Bu da bizi narahat edir. Nazirlik bu sahədə ciddi işlər görür" , deyə kologiya və Təbii Sərvətlər Nazirliyinin Milli Hidrometeorologiya Departamentinin direktoru bildirib.
 
Qarabağda əsas 14 çay, 9 su anbarı,6 su kanalı,6 göl var.


Su anbarları Xudafərin(Zəngilan və Cəbrayıl), Sərsəng(Tərtər), Qız qalası(Cəbrayıl), Xaçınçay(Ağdam), Aşağı Köndələnçay(Füzuli), Suqovuşan(Tərtər), Köndələnçay 2 və 1(Füzuli), Ağdamkənd(Ağdam) anbarıdır. 


Əsas kanallar Tərtərçay sağ və sol magistral kanalı – Tərtər,Bərdə,Ağdam və Ağcabədi ərazisində yerləşir. Mənbəyi Suqovuşa su anbarıdır. Hər iki kanal 1976-ci il istismara verilib. Tərtərçay sağ sahil magistralının uzunluğu 70.2 km, Tərtərçay sol sahil magistralının uzunluğu isə 22.4 kmdir. Həsənli kanalı- Cəbrayılda yerləşir. Mənbəyi Araz çayıdır. 1951-ci il istismara verilib. Uzunluğu 38 kmdir. Maral kanalı- Cəbrayılda yerləşir. Mənbəyi Araz çayıdır. 1931-ci ildə istismara verilib.Uzunluğu 18 kmdir. Sovet kanalı-Ağdamda yerləşir. Mənbəyi Qarqarçaydır.1936-ci il istismara verilib.Uzunluğu 23.5 kmdir. Merdinli kanalı-Füzulidə yerləşir. Mənbəyi Köndələnçaydır. 1952-cü il istismara verilib. Uzunluğu 27.4 kmdir. 
Əsas göllər – Böyük Alagöz(Kəlbəcər), Qaragözl(Laçın), Kiçik Alagöz(Kəlbəcər), Pəriçınqıl qaragölü(Laçın), Alagöllər( Laçın), Zalxagöl(Kəlbəcər) 









www.anews.az