Özəl kursların keçirdiyi imtahanlara DİM məsuliyyət daşıyır?

Müxtəlif kursların keçirdiyi  imtahanların nəticəsinə Dövlət İmtahan Mərkəzi cavabdeh deyil. Bunu DİM-in rəhbəri Məleykə Abbaszadə jurnalistlərin verdiyi sualın cavabında bildirib.

 

" Bəzən mərkəzə özəl kursların keçirdiyi imtahanlardakı nöqsanlarla bağlı şikayətlər daxil olur. Bildirmək istəyirəm ki, özəl kursların təşkil etdiyi imtahan nəticələrinə DİM məsuliyyət daşımır. Çünki həmin imtahanların nəticələri real biliyi əks etdirmir. Biz açıq sualları imtahanlara təklif edirik, nəticələrini də ekspertlərimiz təhlil edir. Ancaq özəl kursların verdiyi nəticələr qəbul imtahanında təsdiqlənmir. Düzdür, çox vaxt görürük ki, həmin kurslar bizim suallarımızı da öz imtahanlarına salır. Dövlət İmtaha Mərkəzi yalnız öz təşkil etdiyi sınaq imtahanlarına cavabdehliyini daşıyır",-deyə M.Abbaszadə söyləyib.