“28 May” metrosunda nə baş verib? - Rəsmi açıqlama+Yenilənib

Metronun "28 May” stansiyasında hadisə baş verib.


Anews.az xəbər verir ki, sərnişinlər partlayış səsi eşidilməsi ilə bağlı sosial şəbəkələrdə paylaşımlar ediblər.


Bakı Metropoliteni də hadisə ilə bağlı məlumat yayıb.


Ilkin məlumatda bildirilir ki, "28 May" stansiyasının giriş sahəsində tüstülənmə ehtimalı ilə qısa müddət ərzində yüksək gərginlik çıxarılıb və bu səbəbdən "Həzi Aslanov-28 May" istiqamətində qatarların hərəkətində məhdudiyyətlər olub.


***


"Qatarların hərəkəti bütün ikinci xətt adlandırdığımız, yəni "Həzi Aslanov - 28 May” istiqamətində müəyyən məhdudiyyətlər yarandığı üçün, həmin sahə boyunca qatarların hərəkətlərinin tənzimlənməsinə təbii ki, təsir göstərir. Burada başlıca prinsip sərnişin təhlükəsizliyinə riayət etməkdir. Hazırda hər hansı bir təhlükə yoxdur. Məsələ araşdırılır”- Qurumun Mətbuat Xidmətinin rəhbəri Bəxtiyar Məmmədov əlavə edib.


***


"Metropoliteninin yaşıl və qırmızı xətləri boyunca, əsas istiqamətlər üzrə hərəkət intervalı mövcud qrafikə uyğun olaraq təmin olunub. Yeganə istisna Xətai-Cəfər Cabbarlı xəttidir” - Bakı Metropolitenin mətbuat xidmətindən bildirilib.


 

www.anews.az