Ötən ay BŞTİ-yə nə qədər müraciət daxil olub? - AÇIQLAMA

Bu ilin oktyabrında Bakı Şəhəri üzrə Təhsil İdarəsinə (BŞTİ) 2 207 sənəd daxil olaraq qeydiyyata alınıb. Həmin sənədlərin 643-ü vətəndaşlar,  281-i Təhsil Nazirliyinin göndərdiyi ərizələr olub. Əlavə olaraq,  digər qurumlardan 225,  məktəblərdən 732 məktub;  204 strukturdaxili yazışma və 122  kadr ərizəsi sözügedən müddətdə idarəyə daxil olan sənədlər arasında olub. Həmçinin 445 elektron müraciətə baxılıb.

 

Bu barədə BŞTİ-nin mətbuat xidməti məlumat yayıb.

 

Məlumata görə, oktyabrda 13 513 müraciət daxil olub. Daxil olan müraciətlərin əksəriyyəti cavablandırılıb və operativ şəkildə həll olunub. Statistikaya əsasən, Çağrı Mərkəzinə (146-0 nömrəli) 10 725 zəng qəbul edilib. Vətəndaşların Qəbulu Mərkəzinə isə bu dövrdə 136 vətəndaşın videoqəbul formatında müraciəti daxil olub. Daxil olan müraciətlər müxtəlif məsələlərin tənzimlənmə qaydalarının öyrənilməsi, işə qəbul, şagird yerdəyişməsi, müəllimlərin əmək müqaviləsinin müddətinin uzadılması, informasiya təminatı və digər məsələləri əhatə edib.