2022-ci ildə Azərbaycan dövləti uşaqlara vəsait ayıracaqmı?

2022-ci il üçün dövlət büdcəsinin sosialyönlü xərcləri 13.850.700 manat proqnozlaşdırılıb ki, bu da 2021-ci ilin təsdiq olunmuş göstəricisi ilə müqayisədə 16.490.300 manat və ya 13,5 faiz çoxdur. Amma bu vəsaitin nə qədərinin uşaq problemlərinə yönəldiləcəyi büdcə layihəsində öz əksini tapmayıb. 

İqtisadçı Samir Əliyev öz facebook hesabında "Azərbaycan dövləti 2022-ci ildə ölkədəki uşaqlar üçün nə qədər vəsait ayırmağı düşünür?" sualını ünvanlayıb. O MDB ölkələrində yeni doğulan uşaqlara ayrılan müavinətlərlə Azərbaycanda doğulan uşaqlara ayrılan müavinətləri müqayisələndirib.

"Rusiyada 2022-ci ilin fevralından uşaq doğuşuna görə birdəfəlik müavinətin həcmi artırılaraq 19981 rubla (280 dollar) çatdırılacaq. Fevraldan 1-ci uşaq üçün müavinətin minimum həddi 7493 rubla (105 dollar), maksimum həddi 31282 rubla (439 dollar) qaldrılacaq. Müavinətlər uşaq 1-5 yaşa çatanadək ödəniləcək.

Ermənistanda 2022-ci ilin yanvarın 1-dən etibarən doğulan hər 3-cü və daha çox uşağa görə 50 min dram (təxminən 100 dollar) ödəniləcək. Bu ödəniş uşağın 6 yaşına qədər davam edəcək.

Ukraynada yeni layihəyə görə, 2022-ci ildən doğulan 1-ci uşağa görə ailələr 50 min qriven (1920 USD), 2-ci uşağa görə 100 min qriven (3840 USD), 3-cü və daha çox uşağa görə 150 min qriven (5770 USD) məbləğində ümumi vəsait alacaqlar. Bu vəsaitlərin bir hissəsini (15 min 1-ci, 30 min 2-ci, 45 min 3-cü uşağa görə) birdəfəlik şəkildə doğuşdan sonra, qalanlarını 36 ay ərzində hissə-hissə əldə edəcəklər.

"Azərbaycanda ünvanlı sosial yardım mexanizminin tətbiqindən sonra, uşaq pulu mexanizmi məhv olub.  Ünvanlı sosial yardım proqramından istifadə imkanları daha da mürəkkəbləşib. Statistikaya baxsaq, istifadə edənlərin sayı da azalıb. Hökumət düşünür ki, Azərbaycanda demoqrafik vəziyyət yaxşıdır. Bu arqumentin özü yanlışdır. Hazırda ölkədə 1 və ya 2 uşaqlı  ailələrin sayının sturukturunda 80%  artım var. Çoxuşaqlı ailələrin sayı isə 10 min nəfər civarındadır. 90- cı illərdə Azərbaycanda hər 1000 qadına 22 doğuş halı baş verirdisə, bu gün göstərici 8,5 % -ə düşüb. Əgər bu templə davam etsə, ölkədə 2050 -ci ilə hər 1000 nəfərə 3 uşağın doğulması gözlənilir. Eyni zamanda Birləşmiş Millətlər Təşkilatının (BMT) hesablamalarına baxsaq, 2100- cu ildə Azərbaycanda ölüm yaşı azalacaq. Belə ki, 65 yaşlı əhalinin sayı 10-12 faizədək yüksəlməsi müşahidə olunacaq. Ona görə də uşaq pulu məsələsi mütləq gündəmə gətirilməlidir. Ən azından çoxuşaqlı statusunda müəyyən dəyişikliklər edilməlidir. Azərbaycanda  çoxuşaqlı ana statusu 5 uşaqlı ailələrdən 3 uşaqlı ailələrə endirilməlidir. Danışdığım bu məsələlər qonşu ölkələrdə tətbiq olunub. Bu günlərdə keçiriləcək müzakirələrin nəticə vermə ehtimalı isə çox aşağıdır ", - deyə Həsənov söyləyib. 


www.anews.az